Ish gjenerali rus ka paralajmëruar se bota është në prag të luftës së fundit të historisë së njerëzimit, duke marrë shkas nga tensionet e fundit midis Rusisë dhe Britanisë.

Evegeny Buzhinskiy i cili ka shërbyer 41 vite në ushtrinë ruse, ka thënë se dëbimi i diplomatëve rusë nga BE-ja dhe SHBA-të pas helmimit të agjentit të dyfishtë Sergei Skripal po krijohet një situatë që është më e keqe se Lufta e Ftohtë, transmeton portali arbresh.info.

I pyetur për të sqaruar veten, Buzhinskiy shtoi: “Një luftë reale. Më e keqe se Lufta e Ftohtë është një luftë reale. Do të jetë lufta e fundit në historinë  e njerëzimit”.

Buzhinskiy i cili u pensionua me gradën Gjeneral Lejtnant në vitin 2009 ka thënë se ajo që mund të çojë në luftë direkte është presioni dhe jo helmimi në Salisbury.

“Shtetet e Bashkuara po thonë se do të vazhdojë presioni. Çfarë do të arrijnë me këtë? Do ta ndryshoni regjimin? Është e padobishme.

“Ju nuk i njihni rusë. Sa më shumë presion që ka, aq më shumë shoqëria koncentrohet rreth presidentit.

“Ju dëboni diplomatë, ne dëbojmë diplomatë, ju depërtoni të tjerë, cili është hapi i radhës. Është shkelje e marrëdhënieve diplomatike.

“Në të vërtetë ju jeni duke zënë ngushtë Rusinë. E të futësh Rusinë në qoshe është një gjë shumë e rrezikshme”.

Britania e Madhe dhe aleatët e saj e kanë fajësuar Rusinë për sulmin me agjentë nervorë, gjë të cilën Kremlini e ka mohuar vazhdimisht./Arbresh.info/